ضيفيهكرسى الاعتراف( رزان)

هذه أسئلتى للعضوة رزان

أولاً / بطاقة التعارف :-
* اسمك الحقيقى :
* عمرك :
* بلدك :
* هواياتك :
* صفاتك :
* هدفك :

ثانياً / أسئلة شخصية :-

* ماهى نسبة تسامحك مع الآخرين ؟

* من هو/هى أكثر المقربين الى قلبك ؟

* هل تبوحى بأسرارك لأصدقائك ؟

* من هو/هى الانسان الذى تبوحى له بأسرارك ثقةً فيه ؟

* ماهو المكان الذى تحبى أن تذهبى له بصحبة عائلتك ؟

* ماهو المكان الذى تحبى أن تذهبى له بصحبة رفيقاتك ؟

* هل ندمتى على شئ فعلتيه قبل ذلك ؟ وهل تستطيعى ذكره ؟

* ماهو حلمك فى الحياة الذى تتمنين تحقيقه لكى أو لغيرك ؟

* هل تشعرى بالاستقرار والأمان الكامل ؟


ثالثاً / أسئلة خاصة بمنتدانا :-
* ماهو تاريخ تسجيلك بمنتدى عالم البنات ؟

* لماذا انضممتى لهذا المنتدى ؟

* ما أكثر شئ أعجبك فى المنتدى ؟

* هل أنتى على يقين أنكى ستكونى أنشط عضوة ؟

* من هن صديقاتك بالمنتدى ؟

* من هن العضوات/المشرفات اللاتى تتمنين التعرف عليهن ؟

* هل ندمتى على تسجيلك فى هذا المنتدى ؟ ولماذا ؟

* ما هو القسم الذى تحبيه وتريدى أن تكونى نشيطة فيه ؟

* من هى العضوة / المشرفة التى تستمعين بقراءة مواضيعها ؟

* ملحوظة على المنتدى :

* ملحوظة على أو رسالة لى :

وفى النهاية أتمنى لكى الاستمتاع بالإجابة على هذه الأسئلة
الأولى وليست الأخيرة ان شاء الله ..

تحيتـى ، ادآرة المنتدى

يلا يا رزان ادخلى انتى الى عايزه اسئله كثيره


ههههههههههههههههههههههههههه

1- ماهى نسبة معرفتك بالله ؟ وهل أنتى على يقين أن كل شئ هو خير لك ؟انا الحمد لله عارفة ربنا كويس جدا وانا على يقين ان كل اللى يقدموا ربنا خييييير


2- هل أنتى مسلمة ؟ وإذا فماهى نسبة معرفتك بسيدنا محمد - صلى الله عليه وسلم - ؟الحمد لله انا مسلمة وعارفة سينا محمد -عليه افضل الصلاة واذكى السلام_ كويس وبحاول اعمل كل اللى امر بيه وعلشان كدة انا مخنوقة جدا من نفسى لانى مش قادرة اتسامح مع الناس بسهولة


3- هل أنتى مواظبة على الصلاة وحفظ القرآن الكريم ؟الحمد لله انا مواظبة على الصلاة لامن حفظ القران لأ بس بحاول (ادعولى)


4- هل حدث قبل ذلك أن تعرضتى لمشكلة صعبة مع احدى صديقاتك بالمدرسة ؟ وماهى نسبة تحملك لها ؟ وهل تخليتى عن تلك الصديقة بعد هذه المشكلة ؟حصل واتعرضت لمشكلة مع اعز صديقة لى لانها كانت بتكره الاسقرار لى وبتكره انها تشوفنى سعيدة وكانت بتشتريلى التعاسة بأى تمن وحاولت كتير تخلينى اكره كل اصحابى وتبعدنى عنهم بشكل فظيع وانا اول ماكتشفت ده فسرته على انه حب امتلاك بس كنت غلطانه لانى بعد كدة اكتشفت انها بتبعدنى عن الناس بشكل عام حتى اللى مش مقربين منى وده لمجرد انهم بيحترمونى و نسبة تحملى لها ماكنتش كبيرة وطبعا بعدت عنها جدا و كان المفروض اسامحها لانى كنت عارفة انها مريضة نفسيا بس طبعا بطبيعتى القاسية ماقدرتش اسامحها رغم انها اعتزرت اكتر من مرة


5- هل أنتى غير راضية عن نفسك ؟ ولماذا ؟اكيد انا مش راضية عن نفسى وبصراحة اكتر المفروض ماحدش اصلا يبقى راضى عنها وده طبعا لانها شخصية معقدة وملياااااااااااااااااااااااااااااانة سلبيات


6- هل أنتى غير راضية عن الآخرين ؟ وما هو سبب ذلك ؟انا راضية جدا عن اللى مش عارفنى او مش عايزين يعرفونى لانهم عندهم حق وراضية عن كل اللى عارفنى لانهم مستحملين شخصية صاحبة الشخصية نفسها مش قادرة تستحملها


7- ماذا تعتقدين : أنتى تحبى صديقاتك أكثر أم هن يحبونك أكثر ؟انا بحبهم اكتر


8- إذا مرضتى لا قدر الله هل سيسأل عنك زميلاتك أم أنه أمر عادى ؟ماحدش بيسأل عنى خالص وماحدش اصلا بيلاحظ وجودى او عدمه


9- هل تحرصى على إرضاء الآخرين قبل إرضاء نفسك ؟ انا بحاول دايما ارضى الاخرين قبل نفسى بس اخيرا اكتشفت ان انا والناس صعب جدا قصدى مستحيل يرضوا عنى


10- هل اندفعتى فى يوم من الأيام وقلتى لأحد أنا أكرهك ؟ ومن هو ؟عمرى ماقلتها لحد بس دايما بقولها لنفسى


11- هل تكونى خجولة عند التعرف على صديقات جدد ؟لأ خالص


12- ماذا تفضلين أكثر الدراسة أم الأجازة ؟ ولماذا ؟الاتنين زى بعض لان فى الحالتين ماحدش بيلاحظ وجودى من عدمه


13- هل حاولتى قبل ذلك التخلص من صفة سيئة فى شخصيتك ؟ وهل نجحتى ؟حاولت اتخلص من انى شخصية غير واقعية ومن انى صعبة التسامح مع الخرين لاكن للاسف فشلت وحاولت اتخلص من الانانية والسذاجة والحمد لله نجحت


14- متى تشعرين بالغضب / الحزن والآسى / الفرح / الدهشة! / الخجل / الرضا / السعادة ؟ (طبعاً كل على حدا)
أشعر بالغضب بنسبة 100% لما حد يخدعنى
أشعر بالحزن والاسى بنسبة 200% لم اعرف ان فى حد بيكرهنى (مع انى باكون عارفة انه معذور) وبأشعر بالفرح بنسبة 200%لما اكسب صديقة وباشعر بالدهشة بنسبة 300%لما حد يشكر فى شخصيتى (وده طبعا نادرا لما بيحصل)وباشعر بالخجل بنسبة70%امام نفسى لما اعرف ان فى حد بيكرهنى (لانى باكون عارفة السبب) وبشعر بالرضا بنسبة 300% لما اشوف اسرتى (اغلا واحلى حاجة عندى )وباشعر بالسعادة بنسبة 300% لما اشوف حد فى اسرتى فرحان
15- ماهو نشاطك المعتاد فى الأجازة الصيفية ؟ (نشاط : يعنى شئ معتاد فعله)
بسافر مع اسرتى وباقعد على النت

16- ماهو شاطك المعتاد فى دراستك ويومياتك المدرسية ؟
بذاكر وبذاكر وفى حاجة كمان بذاكر

17- " من عاش على الأمل لم يعرف المستحيل " هل أنتى طموحة ؟ ولماذا ؟

الحمد لله انا طموحة وده لثقتى ان ربنا معايا
19- هل تفتخرى أنكى من هذا البلد (مصر) ؟ ولماذا ؟

اكيد طبعا انا بافتخر وفيه اسباب كتير تخلى اى حد يفخر بانه مصرى لاكن السبب اللى بيخلينى افتخر بجنسيتى انا ماعرفوش كل اللى اعرفه انى بحبها من كل قلبى من غير اى اسباب
20- هل أنتى مع الثورة المصرية أم ضدها ؟ ولماذا ؟

طبعا انا معاها لانى فى الاول كنت حاسة اننا عايشين فى عزبة مش بتاعتنا ومالناش اى حاجة فيها
21- هل أنتى مع الثورات الحالية المتكررة كل جمعة ؟ ولماذا ؟
طبعا انا معاها لانى شايفة ان الرئيس المخلوع حسنى لازم يتعاقب وفى اقصى سرعة وكمان نفسى جدا يكون فيه رقابة على المشير لاننا مش فاهمين اى حاجة بتحصل حاليا

22- هل يعجبك رابط المنتدى ؟ وكيف تعرفتى عليه ؟

طبعا عاجبنى وانا اتعرفت عليه صدفة من البحث لانى كنت عايزة منتدى للبنات بس
23- ماهى اقتراحاتك ليكون المنتدى أفضل ؟
فى الحقيقة انا لسة ماعنديش اى اقراحات

24- عندما سألتك : هل تعتقدين أنكى ستكونى أنشط عضوة ؟ قلتى (لا) . لماذا ؟
لانى ماعنديش القدرة الكافية لاقتراح موضوع

25- هل كانت أسئلتى مريحة نفسياً بعد الإجابة عليها ؟ أم كانت صادمة وغريبة ؟